سنڌي ذهين ڪوش

مشيني ذھانت جي ھن سياڻي ڪوش بابت

هي پروگرام ڊاڪٽر نبي بخش خان جي جامع سنڌي لغات مان مڪمل ڊيٽا کڻي اوھان کي اوھان جي گهرج آھر فراھم ڪري ٿو.

مشيني ذھانت آڌاريل سنڌي ٻوليءَ جي ٻولن تي مشتمل مشيني ديماڪ، جيڪو سنڌ لئنگئيج ڊاٽ آرگ پاران جوڙيل هڪ جديد ويب بيسڊ پليٽفارم آهي، جيڪو سنڌي ٻوليءَ کي ڊجيٽل ۽ سمارٽ دور سان هڪ ڪرو ڪرڻ لاءِ تيار ڪيو ويو آهي. هي سرشتو ڊاڪٽر نبي بخش خان بلوچ صاحب جي ”جامع سنڌي لغات“ جي اسي ھزار کان مٿي سنڌي لفظن تي ٻڌل ھڪ سمارٽ ڪوش آھي، جتي واھپو ڪندڙ ڪنھن بہ لفظ کي ڳولا ڪري ان جي معنا، وضاحت ۽ ڪاتبو ان ئي پل حاصل ڪري سگهي ٿو. صاف ۽ واھپي ڪندڙن لاءِ آسان ڊيزائن سان گڏ، هي پروگرام لفظن کي معنائن جي ڪارڊن جي صورت ۾ پڻ پيش ڪري ٿو ۽ سنڌي لفظن جي ڄارھٿان انهن جي لاڳاپن کي بہ ڏيکاري ٿو، جنھن سان سنڌي ٻوليءَ جي سمجهہ وڌيڪ گھري ۽ لاڀ ڏيندڙ بڻجي ٿي.

ان سان گڏ، هي پليٽفارم سکيا کي دلچسپ بڻائڻ لاءِ مشيني ذھانت موجب واھپيدارن سان روبرو مدد بہ مهيا ڪري ٿو، جنھن ۾ آسان سوال جواب، يعني چٽاڀيٽي، فليش ڪارڊ ۽ ٻيون رانديون پڻ شامل آهن، جيڪي ٻارن، شاگردن ۽ عام استعمال ڪندڙن لاءِ سنڌي سکڻ کي آسان ۽ مزيدار بڻائين ٿيون. جديد پروگرامنگ جنھن ۾ مشيني خود جواب ڏئي موجب جديد ٽيڪنالاجيءَ جي مدد سان تيار ڪيل هي سسٽم نہ رڳو آف لائن ۽ آن لائن آساني سان هلندڙ آهي، پر مستقبل ۾ مشيني ذھانت، سنڌي ڳالهہ ٻولهہ ڪرڻ واري ٽيڪنالاجيءَ جو مددگار ۽ تعليمي اپليڪشنن سان ملائڻ لاءِ بہ سگهارو بنياد فراهم ڪري ٿو، جنھن سان سنڌي ٻولي عالمي ڊجيٽل دنيا ۾ پنھنجو اثر رسوخ وڌائي سگهي ٿي.